اضحكوا معنا على مافعلت ادارة الممتاز...

[بريد عنيزة]

بسم الله الرحمن الرحيم

يوم امس جانا فاكس عاجل فحواه مرسل لكم ملابس البريد الممتاز الرسمية اللون الاحمر للموزعين والابيض لخدمات العملاء
وتهديد ووعيد لمن لا يلبس الزي الرسمي وعلى مدير الادارة عدم تمكينه من التوقيع .

المهم جلسنا ننتظر حول الفاكس ظهور الملابس منه بعد الورقة ;) هذي مزحة مني .

ماعلينا بدأ وجوه الزملاء بالممتاز بالعبوس والتكهرب :mad:

معذورين ترى ياجماعة . واحد كرشته متر امامه :p
واخر متر خلفه:o
وواحد راسه انظف من بلاطة سراميك يعني بالعربي ميح اصلع :confused:
عاد حنا يومنا كله راح تعليص عليهم وخذ ياضحك :D

المهم اتصل احد الزملاء بالمنطقة وافادوه بانهم ارسلوها بالممتاز ؟ ماعلينا الممتاز يرسل بالممتاز داخل المنطقة ولا توصل الى بعد يوم اجل خارج المنطقة كم يوم والله فشيلة :(

الزبده من الموضوع
وصلت الملابس وتجمهرنا حولها (زود بلاغه) ولكن غريبة مافي إلا فنايل يعني مافي بنطلونات قلنا دورو زين ياجماعة يمكن بالكيس دور الشباب مافي الا فنايل . المهم جماعتنا اللي تكهربت وجيههم انبسطوا وصار الوجوه بشوشة . تدرون ليش ؟

.
لانهم قرروا يلبسون الفنايل على الثوب وكذا انحلت مشكلتهم :eek:
يعني الامور اللي بالي بالك راح تستمر مستوره وكذا احسن
وسلامتكم ...

[عبدالرحمن الحصين]

فعلا شر البلية ما يضحك

اللهم اصلح الاحوال

شكرا بريد عنيزة على حسن تصويرك الموقف تقبل شكري وامتناني

[امجد]

معذورين ترى ياجماعة . واحد كرشته متر امامه :p
واخر متر خلفه:o
وواحد راسه انظف من بلاطة سراميك يعني بالعربي ميح اصلع :confused:
وكذا انحلت مشكلتهم :eek:
يعني الامور اللي بالي بالك راح تستمر مستوره وكذا احسن
وسلامتكم ...


ضحكت حتى الثمالة بريد عنيزة تصويرك عجيب وواقع ؟

[مراسيل]

الفوضى سائده في جميع مناطق البريد بدون اي متابعه ولارقيب

الله يستر من اخرتها

[على المكشوف]

هذا لان سعادته مايحبكم ويبغى يضحك عليكم الناس وبعدين يجيكم المرسول ومعه التهديد والخصم ( من امن العقوبه ......... ) معطى صلاحيات كاملة وياما بتشوفون اذا استمر على الكرسي اسألوني انا يالقصمان انا قريب منه واعرف اللي عنده تجاهكم طيرنا من منطقة الرياض وهذا واضح من خلال مبعوثيه الى المناطق ولكن الأمل في معالي الرئيس ان ينصف جميع المناطق لأن الرسالة واحدة والظلم ظلمات يوم القيامه والله يسلط على الظالم

[بريد عنيزة]

شكرا لمروركم وتعليقاتكم

والله الهدف ماهو الشماتة

لكن نقد للوضع

لكي يتعدل

[Abdullah Dhubai]

هذا لان سعادته مايحبكم ويبغى يضحك عليكم الناس وبعدين يجيكم المرسول ومعه التهديد والخصم ( من امن العقوبه ......... ) معطى صلاحيات كاملة وياما بتشوفون اذا استمر على الكرسي اسألوني انا يالقصمان انا قريب منه واعرف اللي عنده تجاهكم طيرنا من منطقة الرياض وهذا واضح من خلال مبعوثيه الى المناطق ولكن الأمل في معالي الرئيس ان ينصف جميع المناطق لأن الرسالة واحدة والظلم ظلمات يوم القيامه والله يسلط على الظالم

آآآآمين

والحال من بعضه

مشكور ابوبدر

[البريد التقني]

وعجوز تمنت ان تكون صبية
وقد يبس الجنبان واحدودب الظهر
تذهب الى العطار تبتغى شبابها
وهل يصلح العطار ماافسد الدهر؟؟؟؟

التعري يفضح ما فعلته سنين البريد العجاف بالمتعري , ولكننا نجزم بأن السرج لا يتماشى مع الحمار فهو يستحق فقط البردعة

[الـغـريـب]

معذورين ترى ياجماعة . واحد كرشته متر امامه :d:d:d:d:d

[Faiz]

الله يسعدك علي هذا التعليق

[سيف الجزيره]

يا شباب كل هذه الاوامر مجرد تطفيش من البريد .الربع يبغون يحولون البريد الى شركات متعدده ويبغون يتخلصون من القدماء باي طريقه . والله ما دروا عنكم ولا عن احوالكم مجرد مجموعه من الشياب يجب التخلص منهم هذا ما يدور في مجالسهم الخاصه .ويتهمونكم انتم اللي جعلتم البريد متخلف .شفوا هداياهم الاخيره للمواطنين .

[بريد عنيزة]

ارجع واقول ترانا ننقد لتعديل الاوضاع ليس من اجل الشماتة والتعليق

[خالد الشمسان]

شكرا لك بريد عنيزة على الطرح وأقدر كل من ساهم بشيئ من الحلول

[بريد عنيزة]

مشكور اخوي خالد
تحياتي

[واقعية]

هذا احنا ياالبشر نأخذ ونطلب المزيد ولكن دون مقابل
عند زيادت الرواتب والترقيات والتامينات الصحية وو وتتطلعون للمزيد!!!
فلماذا تتأففون من لبس الزي الذي ينظم و يتماشى مع التعديلات الجديدة؟؟
وان كان على الكرش ؟والصلع ؟ عادي كل يوم سو مسابقة كروش والجائزة لإكبر كرش بهذا راح تنتهي المشكلة

[سيف الجزيره]

يا اخوان صاحب هذه الاوامر هو الدكتور اسامه الطف . ما يبغى يشوف و لا موظف قديم بنهاية عام 1430 و لا وراه احد يعاقبه .البريد اصبح دوله داخل دوله .ما تشوفون ما فيه و لامكيف يشتغل في المكاتب.بس صدقوني رايح يعاقب على كل ما فعله من البدايه الى النهايه. اعط الحر فرصه.

[بريد عنيزة]

يا اخوان صاحب هذه الاوامر هو الدكتور اسامه الطف . ما يبغى يشوف و لا موظف قديم بنهاية عام 1430 و لا وراه احد يعاقبه .البريد اصبح دوله داخل دوله .ما تشوفون ما فيه و لامكيف يشتغل في المكاتب.بس صدقوني رايح يعاقب على كل ما فعله من البدايه الى النهايه. اعط الحر فرصه.

خاف الله اخوي ايش دخل الدكتور اسامة

للبريد الممتاز ادارة مستقلة لا تتبع احد بل مباشرة برئيس المؤسسة ومن ثم مجلس ال ا دارة