اضحك للدنيا تضحك لك نقاط البيع الغبيه

[مديون]

رسالة بريد ممتاز مرسله من الرياض الى امريكا في 10 اغسطس اثناء الاستعلام عنها و جدت انها وصلت قبل عام الى الباحه. يالله هذه تقنية العسكر .

قبل يومين رحت زرت المجمع البريدي بالرياض علشان اخذ تعريف اقصد لي سياره قبل ما يفصلوني عسكر البريد لقيت عشرين واحد صافين طابور انا قلت انهم طلبه جامعيين ليقيتهم موظفين بريد يبغون يدخلون المجمع البريدي بس نسو انهم تركو العسكريه , متعودين على طابور الصباح. المهم طلعت الدور الثالث ولا اسمع الا ضرب البساطير في هالاسياب.اثرهم يعرفون بعض و يعرفون رتب بعض .بس اللي انا مستغربه ابو سعد قام يسوي مثلهم .

رقم البريد الممتاز ::


ep682105372sa

[الـغـريـب]

هاذي مصيبة اخوي ابوغادة
وش لون يسكت صاحب الرسالة

عندنا مصايب بالبريد خربو سمعته هالموظفين

الله وليهم

[موادع]

ياناس خافو الله طيب موظف غلط ليش نتلحق المسئولين هل همه الي وجهو الرساله بالخطا
مو معقول

[بريدي وافتخر]

يسلم البطن الي جابك ياشيخ هؤلاء كغثاء السيل على البريد

[مديون]

مشكورين يا الغاليين .
بس لو سمحتم واحد يطلع لنا نتيجة البحث في المنتدى.
صرنا مضحكه قدام العملاء
وهم يصيفون في جنيف .
ويطالبونا بحسن خدمة العميل .
يفكرون ان التقنيه تمشي بالاوامر العسكريه .

[Abdullah Dhubai]

حالة البعائث المقتفاه

حالة البعيثه مكتب التاريخ الوقت
تكوين ارسالية صادرة الرياض 2007-10-02 01:30:30
وصلت البعيثة الى مكتب التسليم الباحة 2007-10-02 14:19:56
تم تسليم البعيثة إلى علي الريح الباحة 2007-10-02 14:30:59
تكوين ارسالية صادرة الرياض 2008-08-12 16:40:27

.....................................................................

أخي مديون لا بد من ان يكون بعد تكوين ارسالية تحديد بلد المورِد ولكن هنا لم نجد شيئاً فإلى اين صدرت البعيثة؟؟

شكراً وللتوضيح

[مديون]

الرساله وصلت بحفظ الله وسلامته الى الولايات المتحده الامريكيه و اثناء الاتصال على البريد الممتاز افاد الموظف المسؤول ان السبب يعود الى ان نقاط البيع تكرر الارقام . هذه هي تقنية عسكر البريد . لا حول و لاقوة الا بالله . تصدقون ان مكائن التخليص افضل منها بكثير . اهدار الملايين على تقنيه والالات لبيع المواد التجاريه. وتصدقون ان الميزان هو لوزن الخضروات في بنده.

[واقعية]

الله يحسن حالكم ياالبريديون والله مشاكلكم كثيرة
الله يكون في العون

[العابر]

اخى الكريم مديون
هناك حلول لموضوع الرساله ولكن التشهير ليس احد الحلول